Kosova nuk është një territor që Serbia e humbi.

Deklarata që po qarkullon si një qëndrim i kryeministrit shqiptar, sipas së cilës “Serbia e humbi Kosovën”, meriton të shihet me shumë më tepër kujdes sesa një titull i rrjeteve sociale. Sepse vetëm katër fjalë mund të ndryshojnë krejt kuptimin historik të një çështjeje.Deklarata që po qarkullon si një qëndrim i kryeministrit shqiptar, sipas së cilës “Serbia e humbi Kosovën”, meriton të shihet me shumë më tepër kujdes sesa një titull i rrjeteve sociale. Sepse vetëm katër fjalë mund të ndryshojnë krejt kuptimin historik të një çështjeje.

Serbia nuk “e humbi” Kosovën. Sepse për ta humbur diçka, më parë duhet ta kesh pasur. Dhe pikërisht këtu nis problemi i këtij formulimi. Kosova nuk është një territor i krijuar nga Serbia dhe as një tokë që i është dhënë Serbisë si pronë e përhershme historike. Historia e Kosovës është shumë më e ndërlikuar se një fjali e tillë. Popullsia shqiptare e Kosovës ka rrënjë të thella në këtë territor dhe shqiptarët e Kosovës e konsiderojnë atë vendin e tyre historik dhe kombëtar. Prandaj, të thuash thjesht “Serbia e humbi Kosovën”, pa kontekst, do të thotë të pranosh në mënyrë të tërthortë premisën se Kosova ishte një pronë e Serbisë që më pas iu shkëput.

Kosova është sot një shtet i veçantë shqiptar në hapësirën ballkanike, i banuar në shumicë dërrmuese nga shqiptarë, dhe Shqipëria e ka njohur Kosovën si shtet të pavarur. Madje, historia moderne e Shqipërisë dhe Kosovës dëshmon diçka tjetër: lidhja mes dy vendeve nuk është një marrëdhënie mes dy kombeve të huaja, por një lidhje e fortë kombëtare, historike, gjuhësore dhe kulturore mes shqiptarëve në të dy anët e kufirit. Prandaj është e rëndësishme edhe mënyra se si flitet për Kosovën.

Nëse një kryeministër shqiptar do të përdorte vërtet formulimin se “Serbia e humbi Kosovën”, atëherë kjo do të kërkonte një analizë shumë serioze të kontekstit, sepse nuk është një frazë neutrale. Ajo mund të interpretohet si pranimi i një te vertete historike që e vendos Kosovën fillimisht brenda pronësisë serbe. Dhe këtu lind edhe një pyetje tjetër: A është vërtet kjo ajo që ka thënë kryeministri, apo është një përkthim, interpretim apo titull i prodhuar nga mediat dhe zyrat e komunikimit? Duke njohur mënyrën se si kryeministri shqiptar ndërton deklaratat dhe fjalimet e tij, është e vështirë të besohet pa parë burimin e plotë se ai do të bënte një gabim kaq elementar në një çështje që prek drejtpërdrejt historinë, identitetin shqiptar dhe marrëdhëniet shqiptaro-serbe.

Një gjë është të thuash se Serbia humbi kontrollin mbi Kosovën. Krejt tjetër është të thuash se Serbia humbi Kosovën. E para mund të jetë një përshkrim politik i një procesi historik. E dyta krijon përshtypjen sikur Kosova ishte pronë e Serbisë dhe më pas iu mor. Kjo është pikërisht arsyeja pse një deklaratë e tillë nuk mund të merret pa kontekst.

Kosova nuk është thjesht çështje kufijsh

Për shqiptarët, Kosova nuk është një territor i huaj i fituar në një moment të historisë. Është pjesë e hapësirës historike shqiptare dhe vendbanim autokton i shqiptarëve, me një histori shumë më të hershme se formimi i shtetit modern serb. Madje, për shqiptarët ekziston një dimension edhe më i thellë: Kosova dhe Shqipëria janë dy shtete shqiptare të ndara nga kufiri politik, jo dy vende të ndara nga kombësia, gjuha dhe kultura. Kjo është edhe arsyeja pse politika shqiptare ndër vite ka kërkuar jo vetëm njohjen ndërkombëtare të Kosovës, por edhe afrimin maksimal mes dy vendeve.

Kryeministri shqiptar ka përfshirë në qeverisje figura të njohura nga Kosova, intelektualë dhe profesionistë kosovarë, duke e trajtuar Kosovën jo si një realitet të largët, por si pjesë të një hapësire të përbashkët shqiptare. Dhe nuk është rastësi që një nga objektivat e politikës shqiptare ka qenë që Shqipëria dhe Kosova të ecin së bashku drejt Bashkimit Evropian, duke e bërë kufirin mes tyre gjithnjë e më pak të rëndësishëm për qytetarët. Pra, kur flasim për Kosovën, duhet të jemi shumë të saktë. Kosova nuk është “territor i humbur i Serbisë”. Kosova është vendi ku shqiptarët kanë ndërtuar historinë, identitetin dhe shtetin e tyre.

Një deklaratë e tillë nuk duhet të fabrikohet nga titujt e mediave dhe më pas t’i faturohet kryeministrit të Shqipërisë.

Kosova ka qenë, është dhe do të mbetet tokë shqiptare, me kombësi shqiptare dhe shtet shqiptar.